Search This Blog

Loading...

Friday, October 21, 2011

အကူအညီ လိုနေတဲ့ မြန်မာဝီကီ


သဘောအကျဆုံး ပုံတစ်ပုံလို့ ပြောပါရစေ။ ကယ်လီဖိုးနီးယားက ယူနီကုတ် ကွန်ဖရင့်မှာ ကိုငွေထွန်း ရိုက်လာတဲ့ပုံပါ။ Windows 8 မှာ ပါလာမယ့် Myanmar Language Support အတွက် မိုက်ခရိုဆော့ဖ်က Presentation လုပ်နေတာပါ။ ဘာလို့ သဘောကျတာလည်း မေးရင်တော့ အကြောင်းအချက်တွေ အများကြီး ရှိပါတယ်။ ပထမတစ်ချက်က ဝင်းဒိုးထဲမှာ မြန်မာစာကို တရားဝင် ပါလာတော့မှာမို့ သဘောကျပါတယ်။ နောက်ဆိုရင် ဝင်းဒိုးသုံးတဲ့အချိန် မြန်မာဖောင့် မြန်မာကီးဘုတ် စတာတွေ အင်စတောလ် လုပ်ဖို့ မလိုတော့မယ့် အပြင် နိုင်ငံခြားကို ရောက်နေတဲ့ အချိန် အင်တာနက် ကဖီးမှာ လေးထောင့်တုံးတွေချည်းပဲ မြင်ရမယ့်ဘေးက ဝေးပါတော့မယ်။ မိုက်ခရိုဆော့ဖ်က သုံးထားတဲ့ ကီးဘုတ် လက်ကွက်က မြန်မာ၃ ကီးဘုတ် လက်ကွက်ပါ။ အခု ကြည့်ရင်တော့ တစ်ချို့စာလုံးတွေ အထားအသို မှားနေတာ တွေ့ရပါတယ်။ ဒါပေမယ့် မြန်မာစာကို နားလည်တဲ့သူတွေ အခုအချိန်မှာ ပြန်ပြင်နေတာကြောင့် Windows 8 ထွက်လာတဲ့ အချိန်မှာတော့ သုံးဖို့ အသင့် ဖြစ်ပါလိမ့်မယ်။

ဒုတိယတစ်ချက်ကတော့ မိုက်ခရိုဆော့ဖ်က မြန်မာစာ အတွက် မြန်မာဝီကီပီးဒီးယားကို ကိုးကားပြီး Presentation လုပ်တဲ့အတွက် မြန်မာဝီကီပီးဒီးယားရဲ့ အက်ဒမင် တစ်ယောက် အနေနဲ့ လှိုက်လှိုက်လှဲလှဲ ဝမ်းသာပါတယ်။ ကျွန်တော်တို့ မြန်မာဝီကီကို စခဲ့တာ ၂၀၀၅ ခုနှစ် ဒီဇင်ဘာလက ဆိုတော့ အခုဆိုရင် ၆ နှစ် ပြည့်ပါတော့မယ်။ ဆောင်းပါးပေါင်း ၇၅၀၀ နီးပါး ရှိနေပါပြီ။ ဒါပေမယ့် လူနဲ့ လက်နက်နဲ့မမျှ ဖြစ်နေပါတယ်။ မြန်မာဝီကီပီဒီးယားကို တကယ်တမ်း ရည်ညွှန်းကိုးကား အနေနဲ့ သုံးစွဲနိုင်အောင် ဆောင်းပါးတွေ အများကြီး ထပ်ပြီး ရေးဖို့ လိုသေးတဲ့ အပြင် ရှိပြီးသား ဆောင်းပါးတွေကိုလည်း အချက်အလက်တွေ ထပ်ဖြည့်ဖို့၊ ပြင်ဆင်ဖို့၊ ဖတ်လို့ကောင်းအောင် တည်းဖြတ်ဖို့ စတဲ့ လုပ်စရာတွေ အများကြီး ကျန်ပါသေးတယ်။ အထူးသဖြင့် သိပ္ပံ၊ နည်းပညာ၊ဆေးပညာ နဲ့ အိုင်တီ ဆိုင်ရာ ဆောင်းပါးတွေ အများကြီး လိုနေပါတယ်။ 

အခုအခြေအနေက ကျွန်တော်တို့ လူနည်းနည်းနဲ့ ကျဲနေရတဲ့ အနေအထားမျိုး ပါ။ လက်ရှိ ဝီကီ ရေးနေတဲ့သူ အားလုံးမှာ ရှိနေတဲ့ တူညီတဲ့ စိတ်ဆန္ဒက ပြည်တွင်း ပြည်ပမှာ ရှိနေတဲ့ မြန်မာလူမျိုးတွေ အတွက် ရည်ညွှန်းကိုးကား လုပ်စရာ စွယ်စုံကျမ်း တစ်ခု ရှိနေစေချင်တဲ့ ဆန္ဒတစ်ခု ပါပဲ။ ဒီနှုန်းနဲ့ ဆက်သွားရင်တော့ နောက် ဆယ်နှစ်လောက် ကြာချင် ကြာသွားနိုင်ပါတယ်။ အားလုံး ဝိုင်းပြီး ကူညီ ပံ့ပိုးပေးနိုင်ရင် အမြန်ဆုံး အကောင်အထည် ပေါ်နိုင်မှာမို့ စိတ်ပါ ဝင်စားတဲ့သူ အားလုံးကို အကူအညီပေးဖို့ ဖိတ်ခေါ်ချင်ပါတယ်။

နောက်ဆုံးတစ်ချက်ကတော့ ကိုယ်ရေးကိုယ်တာပါ။ ဓာတ်ပုံထဲမှာ ပြထားတဲ့ ဆောင်းပါးက အရင်လ က ကျွန်တော် ဘာသာပြန်ဖြစ်ခဲ့တဲ့ အာဖရိက အကြောင်းဆောင်းပါးပါ။ ကိုယ်ဘာသာပြန်ထားတဲ့ ဆောင်းပါး အခုလို မြင်လိုက်ရတဲ့အတွက် ဝမ်းသာပါတယ်။ ကျွန်တော့် အနေနဲ့ အခုလက်ရှိတော့ ဝီကီပီးဒီးယားမှာ နည်းပညာအကြောင်း ၊ အိုင်တီ အကြောင်း ဆောင်းပါးတွေ တစ်ခါတစ်လေ လောက်ပဲ ရေးဖြစ်ပါတယ်။ ဝီကီပီးဒီးယားမှာ မရှိ မဖြစ်လိုအပ်တဲ့ ဆောင်းပါးတွေ ရှိလာအောင် ကြိုးစားပြီး ရေးထည့်နေ ပါတယ်။ အဲဒါအပြင် ရည်ညွှန်း ကိုးကားဖို့အတွက် မရှိမဖြစ် ရှိသင့်တယ် ထင်တဲ့ ကမ္ဘာ့ကုလသမဂ္ဂ အဖွဲ့ဝင်နိုင်ငံ ၁၉၃ နိုင်ငံ အကြောင်း နဲ့ တခြား ပင်လယ်တွေ၊ မြစ်တွေ၊ မြို့တွေ၊ တောင်တွေ စတဲ့ ပထဝီနဲ့ သက်ဆိုင်တဲ့ ဆောင်းပါးတွေကို ဖြည့်ရေးဖြစ် နေပါတယ်။ ဒါလည်း ကျွန်တော်တို့ လက်ရှိ အခြေအနေမှာ အခက်အခဲ ရှိပါတယ်။ ဒီလောက်များတဲ့ ဆောင်းပါးတွေ ကျွန်တော်တို့ အခု လက်ချိုးရေရင် ၁၀ ယောက် မပြည့်တဲ့ လူနည်းစုနဲ့ ဘယ်လို ထိန်းသိမ်းနိုင်ပါ့မလဲ။ နောက်ထပ်လာပြီး ကူညီအားဖြည့်ပေးမယ့် သူတွေကို စောင့်မျှော်ရင်းလို့ပဲ ဆိုရပါလိမ့်မယ်။

တစ်ချိန်က မြန်မာဘလော့ခ်လောကမှာ ပြောနေကြတဲ့ "မြန်မာဝီကီကို ကူညီပါ။" ဆိုတဲ့ စကားကိုသုံးရင်းနဲ့ပဲ အားလုံးကို တတ်နိုင်သလောက် တစ်ယောက်တစ်ပုဒ် ပါဝင်ကူညီဖို့ ဖိတ်ခေါ်ပါရစေ။

(ဓာတ်ပုံအတွက် ကိုငွေထွန်းကို ကျေးဇူး အထူးတင်ပါတယ်။)

6 comments:

PAUK said...

ဝမ္းသာစရာၾကီးး...။

MGTHANT said...

ျမန္မာယူနီကုဒ္နဲ႔ ပက္သက္ျပီး နည္းပညာ အကူအညီ ေကာင္းေကာင္း ေပးႏိုင္တဲ့ ေနရာ ရွိရင္ေကာင္းမယ္...
Mac OSX Lion မွာ Firefox မွာ ျမန္မာယူနီကုဒ္ မျမင္ရ၊ Safari မွာပဲ ျမင္ရတယ္ ဘယ္လို setting change change မရ...
ျမန္မာစာ လက္ကြက္မ်ား ေတာ္ေတာ္ေျပာင္းသြားလား မသိ... ယူနီကုဒ္နဲ႔ ေဇာ္ဂ်ီ လက္ကြက္ မတူလို႔လာ မသိဘူး...
လက္ကြက္ေတြ ေတာ္ေတာ္မတူ

Windows 7 စက္မွာ Font ထည့္ထားတယ္ setting change စရာ မလိုဘဲ ႏွစ္မ်ိဳးလံုး ျမင္ရတယ္...

ေဇာ္ဂ်ီကလည္း ပစ္လို႔မရ ေဇာ္ဂ်ီသံုးေနတဲ့ စာဖတ္တဲ့သူေတြ အမ်ားၾကီး.... ရွာလို႔ ရွိရင္ ေဇာ္ဂ်ီနဲ႔ ရွာၾကတဲ့ သူေတြမ်ားေတာ့ ျမန္မာယူနီကုဒ္ဆိုရင္ ကိုယ္စာမ်က္ႏွာ ေရာက္လာဖို႔ အခြင့္အေရးနည္း...

အင္း အဲလိုေပါ႔... အၾကံေလး ဘာေလး ဘာလုပ္သင့္ရင္ ေကာင္းမလဲ တစ္ဖြဲ႔ထဲက နည္းပညာ အကူအညီမ်ား ေပးႏိုင္ရင္ေကာင္းမယ္... အဖြဲ႕အမ်ားၾကီး ဆိုလည္း လည္ကုန္တာ...

ယူနီကုဒ္သံုးသင့္တာေတာ့ ဘယ္သူမွ ျငင္းလို႔မရတဲ့အခ်က္ပါ။ စကတည္းက ေဇာ္ဂ်ီဆိုတာ မေပၚလာရင္ ေကာင္းသား.. ဒါမွမဟုတ္ သူက ယူနီကုဒ္စံ လုိက္နာ...ဖို႔လုပ္... အင္း ေျပာရရင္ ေျပာစရာက အမ်ားၾကီးခင္ဗ်... ဒီေလာက္ပဲေျပာေတာ့မယ္ ဟီးဟီး....

:P said...

ေပ်ာ္စရာႀကီး

ZT said...

ကိုေမာင္သန္႕ -> myanmarlanguage.org မွာ ယူနီကုတ္နဲ႕ ပတ္သက္ျပီး အကူအညီ ျပည့္ျပည့္စံုစံု ရနိုင္ပါတယ္။ သူတို႕ေတြလည္း Mac သံုးေနၾကတာမို႕ သူတို႕ကို ေမးရင္ေတာ့ ဘယ္လိုလုပ္ရမလဲ သိပါလိမ့္မယ္။ ေနာက္ထပ္ ယူနီကုတ္နဲ႕ ပတ္သက္ျပီၚ အကူအညီ ရႏိုင္တဲ့ Site က myanmaritpro.com ပါ။
မေပါက္ နဲ႕ မမစင္ -> ကြ်န္ေတာ္လည္း ေပ်ာ္ပါသည္။ :D

Anonymous said...

တဖြည်းဖြည်းနဲ့တော့ ဇော်ဂျီနှင့်ဒီလိုဖျက်ဆီးမှု ရပ်ဆဲသွားမှာပါ။
ဇော်ဂျီဖွန့်လုပ်သူတွေ၊ ဖြန့်သူတွေကို တရားစွဲဖို့တော့ ကောင်းပါတယ်။

Anonymous said...

အစဉ်ပြေကလေး